الله يازين اللي حضرت غطت على كل الحضور
طلت علينا وانورت ما عقب هالنور تور
علمنا قول وش فيها زود !!
يا نا س ماهي من الوجود
شبهها يالله باختصار ..
ورده ولا كل الورود
* * *
معذوره لو تكبرت مغروره يا بخت الغرور
واللي تماليها خسرت من قدها بدر البدور
احترنا ياراشد معاك
في عيونها شفت الهلاك
يعني نسميها ملاك
لا هي احلى من كذا
* * *
فلت جدايلها وسرت وصفقنا حيل بلا شعور
هي بس هي اللي قدرت تجني على كل الحضور
ياراشد اثريك معذور
هذي ترى بعض الامور
هذي خذت عقلك اكيد
مو بس انا كل الحضور

انت منتا الاولاني
صرت اشوفك شخص ثاني
انت متغير حبيبي انت منتا الاولاني
لا كلامك هو كلامك
ومن ورى نفسك سلامك
صرت في كل شي اناني انت منتا الاولاني
* * *
منت ذاك اللي نحبك
وين شوقك!! وين قلبك!!
شفت لك شوفه جديده ولا تتغلى في حبك
وش حصل بينك وبيني!!
منتا كنت تموت فيني
والله وتغير مكاني انت منتا الاولاني
* * *
آآآهـ يا مكدر صفانا
كنا حلوين بهوانا
صرت ما تسأل علينا صرت تزعل من ورانا
دامها هذي سواتك
راح اخليك لحياتك
لين انا اشوفك تعاني حتى ترجع الاولاني

الله لا يجيب الزعل بينك وبينــــــــي
وان زعلت أرضيك انا يا نور عيني
تضحك الدنيا في عيني لا رضيــــت
واقبل اعذارك واسامح لو خطيـــت
لو اقول انك حياتي ما وفيـــــــــــت
كيف انا اضيع حبيبي من يدينــــــي
الله لا يجيب الزعل ..
* * *
الله لا يحرمني منك ومن حلاك ومن دلالــــــك
ما اتمنى غير شوفك مبتسم مرتاح بالـــــــــك
انا محتاج لحنانك مهمــــــــى كــان
شوفتك عندي لها قدرٍ وشـــــــــان
انت في بالي واحبك من زمــــــــان
انت من يقدر يخيب فيك ظنــــــــي
الله لا يجيب الزعل ..
* * *
لو تخيلك غيابي لا تقول اني نسيتـــــــــــــــك
صدق احساسك وقلبك ، انا من قلبي هويتــك
وانت في بالي الاول والاخيـــــــــــر
لو تغيب شوي توحشني كثيــــــــــر
وش اللي يسليني وانا عاشق واغيـر
وش كثر عانيت حتى اني لقيتـــــــك
الله لا يجيب الزعل

طحت من عيني بعد ماكنت عالــي
وحبك ارخصته بعد ماكان غالـــي
كل شي برضاه منك الا الخيانـه
بعدها يحرم على حبك وصالـي
* * *
كم سهرت أيام في حبك مولــع
ما دريت انك بتمثيلك خيالـي
أشتكي لك منك وأشكيك العدالة
كل منهم قال قلبك ما صفالـي
* * *
كنت مالي كل قلبي وكل عينـــي
وكنت أحسب أني وسط قلبك لحالـي
وأثر قلبك كل يوم له حبايــب
وأثر قلبك من احساس الحب خالـي
* * *
يا خسارة وقت في حبك قضيته
ضاعت أحداثه هدر طول الليالـي
روح أنا ماني بمتحســـــف بعادك
بس أعزي من بيرضى بك بدالـي

الا يامطول(و) صبري أذوق المر من كاسه
الا ياكم قسى دهري علي وكم قسوا ناسه
تهنا من سلا قلبه
مشى كل(ن) على دربه
وطيت الشوك انا وحدي
ولا قبلي أحد داسه
* * *
أحد مثلي بكى لما بكى دمعه ولا فاده
أحد مثلي قسم همه معه في شربه وزاده
ألا من قد صبر مثلي
وأنا في حالتي مبلي
وقل الحظ من صغري
معي للحين وهو عاده
* * *
على الله يابقى دمعي ماحدغيرك وفى ليه
جفوني كل هلي وربعي وانامقفي على النيه
يادنيا لوعلى قلبي
أحبك بس وش ذنبي
رضيت أنا بردى حظي
وحظي مارضى بيا

ردتك الايام يا مغرور يا مدلـــــــــــــع
ياللي علينا من اول شايفٍ حالــــــــــك
توك تجي تشتكي حبي وتتولـــــــــــع
خلاص قلبي نساك مالي ومالـــــــــــك
* * *
اليوم حبك ترى من خافقي شلّــــــــــع
ياللي عذابي وهمي كان يحلالــــــــــك
مغرور تحسب زمانك منك ماطلــــــــع
وان كان صدقت نفسك فيتهيالـــــــــك
* * *
معاد لي فيك يا مغرور يا مدلـــــــــــع
من حالي ابعد وروح ارجوك في حالك
مو دايم النور لام انـه نطفى ولــــــــع
لا فاتك الفوت ماينفعك موالـــــــــــــك...

ماينساك أبد قلبي وهو يا حبيّبي بيتك
ترى من حب أحد مثلك على فرقاه ما يقدر
تظن اصبر على بعدك
وأنا من قلبي حبيتك
الا يا ماصعب الغربة
وصعب اني انا اتغير
* * *
مين اللي جاب لك سيره وقال اني تناسيتك
تناساني الهنا بعدك وخلى لهفتي تكبر
تأكد وابعد ظنونك
مادام اني تمنيتك
يحن لوصلك احساسي
كثر ما اشتاق لك واكثر
* * *
بعد ما اخترت أنا حبك على الخلان واغليتك
وبديتك على روحي تظن انساك لا .. ماقدر
بصبّر نفسي يا عمري
ولو طال المدى جيتك
لك الأشواق تاخذني
ولايمديني اتصبر

ولا تزعل ولا تتعب شعـــــــــورك
ولا تاخذ على خاطرك منـــــــــــي
أبتأسف إلين ارضي غـــــــــرورك
وبقول اني مقصر غصب عنــــــي
* * *
انا معذور لو غبت بحضــــــــورك
وحسن الحسن عن حسنك شغلنـي
لأني بالحلى لو شفت نـــــــــــورك
بعيني ساعت القربه تعذرنـــــــــي
* * *
وش احلى من العداله غير جـورك
تجنى يا حلو منك التجنــــــــــــــي
ولو ان الشور في كل شي شورك
طلبتك بس في ذا الشي طعنــــــي

تعودنا انا وانت .. تعودنا على النسيان
خذتنا عزة الدنيا وتهنا في ليالينا
تكابرنا .. على العشره
ولا به غيرنا خسران
صحينا .. والثمن غالي
وضعنا في خطاوينا
* * *
نحاول نكتم الحسره
نحاول نخفي الاحزان
نحاول والزمن اقوى وناره حيل تكوينا
قسينا في مشاعرنا
غلطت انت وانا غلطان
ولا شفنا سوى الحيره حبيبي وين ما ضينا
* * *
نبي نصبر ولا نقدر
ولا نعرف لنا عنوان
تغربنا في هالدنيا وماضي الشوق يبكينا
ندمت انتا وانا اكثر
اعيش بدنيتي ندمان
توقعنا نبي ننسى وذكرانا تصحينا

قالت وش اكثر شي يعجبك فينـــــــــي
قلت بصراحه كل مافيك جـــــــــــــذاب
اسمك ورسمك والشعر والجبيــــــــــنِ
وعيونك وصوتك وخدك والاهــــــداب
قالت تبالغ .. قلت لا صدقينــــــــــــــي
ترى وصوفك ما بها شي ينعــــــــــاب
* * *
ما كن كل الليل للعاشقيـــــــــــــــــــــنِ
وما كن كل الوصل مابين الاقــــــــراب
كلك على بعضك كذه تعجبينــــــــــــــي
وفي كل يومٍ لك يزداد الاعجـــــــــــاب
* * *
يا شمس عمري يادفاي وحنينــــــــــي
جيتك حروف الحب وعيونك كتـــــــاب
بالحيل احبك يا رجاوي سنينـــــــــــــي
وحبك فتح للعاطفه كل الابـــــــــــــــواب
* * *
احساسي الصادق معك يحتوينــــــــــي
واحساسي لغيرك من الناس كــــــــــذاب
وعمر الغرام ان طال بينك وبينـــــــــي
لا تسئليني يوم عن سر الاعجـــــــــاب